Sipas medias bullgare “Mediapool”, duke cituar burime diplomatike, Bullgaria dha tre kërkesa kryesore dje në një takim të ambasadorëve të BE-së në Bruksel kur u ra dakord për kornizën e negociatave: Marrëdhëniet e fqinjësisë së mirë duhet të jenë një kriter për anëtarësimin e Maqedonisë së Veriut në Bashkimin Evropian, të përdoret emri zyrtar kushtetues të Republikës së Maqedonisë së Veriut në vend të shkurtesës Maqedonia e V., ndërsa për shkak se nuk njeh gjuhën maqedonase Sofja është kundër që ajo të regjistrohet si gjuhë zyrtare në Bashkimin Evropian (formulimi i gjuhës të jetë “gjuha zyrtare” e vendit kandidat, jo “gjuha maqedonase”).

Pikëpamjet bullgare u prezantuan nga ambasadori në BE, Dimitar Cançev, ndërsa ato ishin pothuajse të njëjta me ato që ai u tha shokëve të tij ambasadorë në fund të tetorit, por ato pretendohej se ishin injoruar.

Gazeta bullgare raporton pjesë nga ato që Cançev u tha kolegëve në takimin COREPER 2, të marra nga burime diplomatike, por ato nuk u morën parasysh.

“Një qasje e tillë e Komisionit Evropian dhe vlerësimet jorealiste pozitive të dhëna nga ekspertët e tij për marrëdhëniet e fqinjësisë së mirë vetëm konfirmojnë arsyetimin e kërkesës sonë për të pasur një kapitull të veçantë negociues në mënyrë që vendet anëtare të kenë një zë në përgatitjen e atyre vlerësimeve, duke pasur parasysh objektivitetin e Komisionit”, thuhet në fjalimin e Canchev./Telegrafi/